Жылжымайтын мүлікті жалға беру саласындағы жеке тұлғаларды тарту жұмыстары.

          Атырау облысы бойынша Мемлекеттік кірістер департаментімен  тұрғын  пәтерлерді заңсыз жалға беру  қызметімен  айналысқан жеке тұлғаларды анықтау мақсатында шаралар үнемі жүргізіліп тұрады.

        01.08.2019 жыл жағдай бойынша Атырау облысы бойынша Мемлекеттік кірістер департаментінде тұрғын үйді жалға беру қызметі бойынша 3820 жеке тұлға  жеке кәсіпкер ретінде тіркелінген.  Оның ішінде, 2019 жыл басынан бері - 1030 салық төлеуші жеке кәсіпкер ретінде тіркелген.

Жыл сайын жеке кәсіпкер ретінде тіркелушілердің саны артып келеді. Атырау облысы бойынша Мемлекеттік кірістер департаменті қызметкерлерімен үнемі салық мiндеттемесiн орындауды қамтамасыз ету мақсатында пәтерлерді заңсыз жалға беру қызметімен айналысатын жеке тұлғаларды анықтау және алдын алу мақсатында әлеуметтік желелерде, сауда орталықтарында, халыққа қызмет көрсету орталықтарында халық көп жиналған орындарда ақпарат бетшелері таратылып, түсінік беру жұмыстары жүргізілді.

         Сонымен қатар, департаменттің  арнайы «Фейсбук» әлеуметтік желісінің парақшасында пәтерлерді заңсыз жалға беру қызметімен айналысу үшін жеке кәсіпкер ретінде Мемлекеттік кірістер органына тіркелу қажет екендігі  туралы мәліметтер жарияланып тұрады.

         Бұдан басқа  Instagramm  әлеуметтік  желісіндегі, жергілікті тұрғындарға танымал «Zello_Atyrau» парақшасында да кезекті түрде түсіндірме жұмыстары жариялануда.

Осындай жүргізілген ауқымды шаралар нәтижесінде ағымдағы жылда 1000 нан аса жеке тұлға өз еркімен  жеке кәсіпкер ретінде тіркелді.

Департамент қызметкерлерімен танымал интернет желісіндегі «Крыша», «OLX», «Акжайык» сайттарындағы жарнамаларға талдау жасалады.

Меншік құқығында бірнеше пәтерлері бар азаматтар бойынша мәліметтерді алу үшін"Азаматтарға арналған үкімет" мемлекеттік корпорациясы" коммерциялық емес АҚ Атырау облысы бойынша филиалына  сұраныс хаты жолданып, мәліметтер алынды.

Алынған мәліметтің  мониторингі мен талдауы нәтижесінде пәтер иелеріне қатысты 3 және одан көп пәтерлерге иелік ету құқығы бар және жеке кәсіпкерлер ретінде тіркелмеген 404 тұлғалар санаты анықталды.

         Сонымен қатар, тұрақты түрде Атырау облысы полиция департаментімен бірлесіп тексеру жұмыстары жүргізіліп тұрады. Атап айтқанда, жыл басынан бері 15  бірлескен іс-шаралар  өткізілді. Тексеру нәтижесінде әкімшілік іс қозғалып, 37875 тенге мөлшерінде айыппұл салынды және 37875 тенге толықтай өндірілді.  Жұмыстар әрі қарай жылдың соңына шейін жалғасын таба бермек.

          Жүргізілген іс-шаралар нәтижесінде жеке тұлғалар жеке кәсіпкерлер ретінде тіркелді   және Бірыңғай жиынтық төлем(БЖТ) төлей бастады.

         Айта кету қажет, салық заңнамаларына сәйкес, жеке тұлғаға пәтерін жалға берген жеке тұлға, жылдық кірісі ең төмен жалақының 12 еселенген мөлшерiнен аспаған жағдайда, дара кәсіпкер ретінде тіркелмеуге құқығы бар.

Бұл ретте, осындай жеке тұлғаның орналасқан (тұрғылықты) жері бойынша салық органына жеке табыс салығы бойынша декларацияны (240.00 нысан) мүліктік табыс алған жылдан кейінгі жылдың 31 наурызынан кешіктірмей тапсыру бойынша міндеттемесі пайда болады.

Сондай-ақ, жеке тұлғаға 10%  мөлшерлемесімен жеке табыс салығын есептеуі және мүліктік табыс алған жылдан кейінгі жылдың 10 сәуірінен кешіктірмей төлеуі қажет.

Жолаушы тасымалдау қызметімен айналысатын жеке тұлғаларды тарту жұмыстары.

        Атырау облысы бойынша Мемлекеттік кірістер департаментімен  жолаушыларды  қызметімен  айналысатын жеке тұлғаларды анықтау мақсатында шаралар  да үнемі жүргізіліп тұрады.

01.08.2019 жыл жағдай бойынша Атырау облысы бойынша Мемлекеттік кірістер департаментінде  заңсыз жолаушы тасымалдау қызметімен  айналысу қызметі бойынша 2995  салық төлеуші жеке кәсіпкер ретінде  тіркелінген. Оның ішінде 2019 жыл басынан бері - 535 салық төлеуші жеке кәсіпкер ретінде тіркелген.

Ағымдағы жылдың 9 шілдесінде Атырау облысы бойынша Полиция департаменті және Көлік бақылау инспекциясы, сондай-ақ Жолаушылар көлігі   және автомобиль жолдары  басқармасымен біріккен  іс-шаралар жоспары жасақталды.

Бұл жоспардың негізгі тармақтарының бірі, заңсыз жолаушы тасымалдаумен айналысатын жеке тұлғаларды анықтау мақсатында рейдтік тексеру шараларын өткізу.

Сондай-ақ, Департамент қызметкерлерімен және Атырау облысы бойынша Ішкі істер департаменті қызметкерлерімен бірігіп, заңсыз               жолаушы тасымалдаумен айналысатын жеке тұлғаларды анықтау   мақсатында  автокөлік шоғырланған жерлер мен автотұрақтарда  (Әуежай тұрағы, Байзар сауда орталығының тұрағы, Тұрғын үй қалашығы және Вокзал маңы мөлтек аудандарында) тексеру шаралары өткізілді.    Тексеру нәтижесінде 26 жеке тұлға анықталды.

Жылжымайтын мүлігін жалға берушілер мен жеке автокөліктерімен жолаушылар тасымалымен айналысатын тұлғаларды анықтау барысында түсірілген бейнеролик «Қазақстан-Атырау» телеканалында және «Фейсбук» әлеуметтік желісінде көрсетілді.

Әкімшілік құқық бұзушылық туралы Кодексіне сәйкес, тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттердi жүзеге асырғандығы үшін, айыппұл қарастырылған.

Атырау облысы бойынша МКД-нің