Кездесу өткізілді

Ағымдағы жылы  тауарларды кедендік декларациялау, кедендік тазарту және шығарумен байланысты кедендік операцияларды жүргізу кезінде рәсімдерді жеделдету және оңайлату мақсатында Қазақстан Республикасы Қаржы, Ұлттық экономика, Ауыл шаруашылығы, Инвестициялар және даму министрліктерімен  «Кедендік ресімдеу орталықтарында және Халықаралық көлік – логистикалық орталықтарында тауарларды кедендік декларациялау, кедендік тазарту және шығарумен байланысты кедендік операцияларды жүргізу кезінде мемлекеттік органдардың өзара іс-қимыл тәртібін бекіту туралы» бірлескен бұйрығы бекітілген болатын.

 Аталған бұйрықты орындау мақсатында Атырау облысы бойынша Мемлекеттік кірістер департаментінде 09.08.2016 жылы Атырау облысы тұтынушылардың құқықтарын қорғау департаменті, Атырау облысы бойынша Көліктік бақылау инспекциясы, Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Атырау облыстық аумақтық инспекциясы, Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Атырау облыстық аумақтық инспекциясы мемлекеттік мекеме қызметкерлерінің қатысуымен дөңгелек үстел ұйымдастырылды.

«Дөңгелек үстел» отырысына сыртқы экономикалық қызметке қатысушылар, кеден өкілдері және т.б. өкілдер қатысты.

Сыртқы экономикалық қызметке қатысушыларға кедендік ресімдеу орталығында тауарларды кедендік декларациялау, кедендік тазарту және шығарумен байланысты кедендік операцияларды жүргізу барысында мемлекеттік санитарлық-карантиндік бақылауды, карантиндік фитосанитарлық бақылауды (қадағалауды), ветеринарлық-санитарлық бақылауды және қадағалауды, кедендік бақылауды жүзеге асыру кезінде мемлекеттік органдардың іс-қимылдарының  реттілігі түсіндірілді. Аталған бұйрық бойынша бақылаушы органдар – Атырау облысы тұтынушылардың құқықтарын қорғау департаменті, Атырау облысы бойынша Көліктік бақылау инспекциясы, ҚР АШМ Ветеринариялық бақылау және қадағалау комитетінің Атырау облыстық аумақтық инспекциясы, ҚР АШМ Агроөнеркәсіптік кешендегі мемлекеттік инспекция комитетінің Атырау облыстық аумақтық инспекциясының қызметкерлері сыртқы экономикалық қызметке қатысушыларына халықаралық тасымалдаудың көлік құралдары кедендік ресімдеу орталығының аумағына келген кезде бақылаушы мемлекеттік органдардың лауазымды тұлғалары тарапынан жүзеге асырылатын іс-әрекеттерді түсіндірді.

 Кедендік ресімдеу басқармасының Кедендік декларациялауды және кедендік тазартуды бақылау бөлімінің басшысы А.Пикалев бұйрықпен бекітілген бақылаушы органдардың лауазымды тұлғалары жүргізетін құжаттық және физикалық бақылау уақыты, белгілі бір мемлекеттік бақылау (қадағалау) түрін жүргізу кезінде негізсіз созуға және ұсынылуы заңнамада көзделмеген құжаттарды талап етуге жол берілмейтіндігі туралы айтып өтті.

«Дөңгелек үстел» отырысының соңында мемлекеттік органдардың қызметкерлері бизнес-қауымдастық пен сыртқы экономикалық қызмет қатысушыларының сұрақтарына жауап берді.

Атырау облысы бойынша МКД