Атырау облысы бойынша Мемлекеттік  кірістер Департаменті

балаларды  мерекесімен  құттықтады

Атырау облысы бойынша Мемлекеттік  кірістер Департаментінің қызметкерлері Халықаралық балаларды қорғау күні облыстық «Шаңырақ» отбасы үлгісіндегі балалар ауылына барды.

Балалар ауылы мен мектеп – интернат тәрбиеленушілері мұғалімдерімен бірлесе отырып, мерекеге арнап өздерінің мерекелік бағдарламаларын көрсетті, тақпақтар оқып және өлеңдер айтып, би биледі.

 Департамент  қызметкерлері балалар ауылына  тұрмыстық техникаларды сыйға тартып, оларды  Халықаралық балаларды қорғау күнімен құттықтады.

Департамент құрылған  уақыттан бастап ұзақ жылдар бойы қаладағы балалар үйлерінің тәрбиеленушілеріне материалдық және  моральдық  тұрғыда қамқоршылық көрсетіп  келеді.

Сонымен қатар, кеден блогының қызметкерлері С.Қазыбаев атындағы№1 облыстық мектеп-интернаттының балалары үшін үлкен шара ұйымдастырды. «Golden Palas» ойын-сауық орталығында Департамент басшысының орынбасары Күнтуарова М.Т. және Кедендік ресімдеу басқармасының басшысы Жакупова Ш.М. ұйымдастыруымен өткен арнайы мерекелік шараға С.Қазыбаев атындағы№1 облыстық мектеп-интернаттан 35 бала қатысты.

Бұл күні ойын-сауық орталығының іші балалардың шат күлкісіне толды. Бірін-бірі қуалаған балдырғандар асыр салып ойнады. Ертегі кейіпкерлері мен сайқымазақтар балдырғандарға арнап ән айтып, бірге би биледі.

Түрлі спорттық жаттығулар жасатты. Балаларға арнап мерекелік дастархан әзірленді.

Соңында барлығына сыйлықтар пен түрлі ойыншық тарту етілді.

Атырау облысы бойынша МКД