Спартакиада өткізілді

Патриоттық тәрбиелеуді арттыру, салауатты өмір салтын үгіттеу мақсатында Атырау облысы бойынша Мемлекеттік кірістер департаментінің (бұдан әрі – МКД) құрылымдық бөлімшелері арасында Қазақстан Республикасы Тәуелсіздігінің 25-жылдығын тойлауға арналған шағын-футбол, волейбол (ер, әйел), шахмат,  үстел теннисі, жауынгерлік қарумен ату (Экономикалық тергеу қызметінің қызметкерлері үшін), «Әке, ана және мен – спорттық жанұя» спорт түрлерінен 2016 жылғы 14-15 сәуір аралығында ішкі спартакиада ұйымдастырылып, өткізілді.

Жарыстарға барлығы 120 астам қызметкер, 9 команда  қатысты, олардың ішінде аудандағы мемлекеттік кірсетр басқармалары мен кеден бекеттерінің командалары да болды. Жарыста қатысқан командалар: Жылыой ауданы бойынша Мемлекеттік кірістер басқармасы командасы, «Әуежай-Атырау» кеден бекеті командасы, Аудандар құрама командасы, «Ақ жайық – КРО» кеден бекеті командасы, Атырау қаласы бойынша Мемлекеттік кірістер басқармасы командасы, «Теңіз» кеден бекеті командасы, Атырау облысы бойынша МКД (салық блоғы), Атырау облысы бойынша МКД (кеден блоғы)  және Экономикалық тергеу қызметі командалары.

Жалпы командалық үшінші орын - Атырау облысы бойынша МКД (салық блоғы) командасы, екінші орында - Атырау облысы бойынша МКД (кеден блоғы), ал  спартакиада жеңімпазы – «Ақ жайық-КРО» кеден бекетінің командасы.

Барлық жеңімпаздар дипломдар мен медальдармен марапатталды.

Сондай-ақ, «Әкем, анам және мен» конкурсіне ата-аналарымен  бірге қатысқан балаларға сыйлықтар берілді.

Түсіндіру жұмыс басқармасы