Тауарлар тиеп-жөнелтілмей шот-фактура жазу - бұл  қалжың емес

Атырау облысы бойынша Мемлекеттік кірістер департаменті Экономикалық тергеу қызметімен жүргізілген жедел-іздестіру шараларының барысында Атырау қаласында жалған  тұлғалардың атына тіркелген әр түрлі шаруашылық мекемелерінің атынан атқарылмаған қызметтерге жалған счет-фактуралар сату дерегі  бойынша 2 тұлға ұсталды.

 2016 жылғы 8 қаңтарда  «Жасмин» жеке кәсіпкерлігі атынан жалпы көлемі 362 000 000 теңгеге жасалмаған жұмыстар және қызметтерге жалған счет-фактураларды  жасақтап, ол үшін 11 000 000 теңге көлеміндегі қаражат алу аталған жеке кәсіпкерліктің басшысы Э. К. Ахметов, сонымен бірге Д. Т. Хисамеденов ұсталды.

Жоғарыда көрсетілген Д. Т. Хисамеденов, Э. К. Ахметов және басқа тұлғалардың әрекеттері кәсіпкерлік контрагенттерінің салық төлеуден жалтару түріндегі мемлекетке жалпы көлемі 43 711 157 теңге құрайтын ірі көлемдегі залал келтіруге бағытталған.

 Аталған жайт бойынша Атырау облысы бойынша Мемлекеттік кірістер департаментінің Экономикалық тергеу қызметімен ҚР ҚК-нің 216-бабының 2- бөлігі 2- тармағы «Іс жүзінде жұмыстар орындалмай, қызметтер
көрсетілмей, тауарлар тиеп-жөнелтілмей шот-фактура жазу бойынша әрекеттер жасау» бойынша қылмыстық іс қозғалды.

2016 жылғы 15 ақпанда №2 Атырау қалалық сотының үкімімен Хисамеденов Д.Т. 3 жыл 6 айға бас бостандығынан айырылып, Ахметов Э.К., Давлетова А.А. 3 жылға бостандықтары шектеліп және Р.З. Мизамбаевға 3000 АЕК көлемінде  6 363 000 теңге  айыппұл салынды.

Сот үкімі заңды күшіне енді.

Атырау облысы бойынша МКД Экономикалық тергеу қызметі