Кездесу өткізілді

Атырау облысы бойынша Мемлекеттік кірістер  департаментінде  сыртқы экономкиалқ қызметке қатысушылар және кеден өкілдерінің қатысуымен «Дөңгелек үстел» аясында кездесу өткізілді.

Департамент басшысының орынбасары М.Т:Күнтуарованың төрағалығымен өткізілген кездесуде  басқарма және  бөлім басшылары сөз сөйледі.

Кездесуді ашқан М.Т.Күнтуарова өз сөзінде Департаменттің кеден блогының қызметі туралы айта отырып, өткен 2015 жылы республикалық қазынаға 406 млрд.229 млн.163 мың теңге кедендік төлемдер мен салықтар өндіріліп, жоспар 110% орындалғандығын айтты. Сонымен қатар ол «Доңгелек үстелге» қатысушыларды «100 нақта қадам – Ұлттық жоспарының» басты тармақтарымен таныстырып, кедендік ресімдеуді оңтайландыру, салық және кедендік  әкімшілендіруге тікелей бағытталған 37- 46  қадамдары туралы айтты.

Кездесу барысында сөз алған Департамент қызметкерлері Қ.Якудин, А.Гумарова, А.Тойбазарова  кеден және салық заңнамаларындағы  өзгерістер туралы баяндады.  Кеден заңнамасы саласындағы реформаларды және ЕАЭО тауарлардың  алып өту тәртібі түсіндіріліп, екінші деңгейдегі банктердің деректерін «Электрондық үкімет» төлем шлюзымен және кеден органдарының ақпараттық жүйесімен бірлестіру туралы ақпарат беріліп, слайдтарды көрсету арқылы  электрондық шот-фактураларды ресімдеу  туралы айтылды.

Кездесу соңында  Департамент мамандары қойылған сұрақтарға жауаптар берді.

Түсіндіру жұмыс басқармасының бас маманы Айслу Телеушева