ЕАЭО шеңберінде тауарларды өткізуді әкімшіліктендіру және электрондық шот-фактураларды рәсімдеу

Атырау облысы бойынша Мемлекеттік кірістер департаментінде сыртқы экономикалық қызмет қатысушылары және кеден өкілдерінің қатысуымен  «Дөңгелек үстел» өткізілді.

Департамент басшысының орынбасары М.Т.Күнтуарованың  төрағалығымен өткізілген «Дөңгелек үстелде» Қазақстан Республикасы Қаржы министрлігінің 09.12.2015 жылғы №640 «Еуразиялық экономикалық одаққа мүше мемлекеттердің өзара трансшекаралық саудасы шеңберінде жекелеген тауарларды, оларды өткізу кезінде есепке алу жүйесін  ұйымдастыру жөніндегі нұсқаулықты бекіту туралы» бұйрығына сәйкес,   электрондық түрде жазып берілетін шот-фактуралардың құжат айналымының қағидаларында белгіленген тәртіпте:

бұрын үшінші елдің аумағынан әкелінген, Тізбеге енгізілген тауарларды өткізген;

ЕАЭО мүше мемлекеттің аумағынан Қазақстан Республикасының аумағына әкелінген, ЕАЭО СЭҚ ТН (ТН ВЭД) коды және атауы Тізбеге енгізілген тауарларды өткізген;

Қазақстан Республикасының аумағында өндірілген, ЕАЭО СЭҚ ТН коды және атауы Тізбеге енгізілген тауарларды өткізген;

мыналарды:

бұрын үшінші елдің аумағынан әкелінген, Тізбеге енгізілген тауарларды;

ЕАЭО мүше мемлекеттің аумағынан Қазақстан Республикасының аумағына әкелінген тауарларды;

бір заңды тұлғаның шегінде тауарларды беруге байланысты, ЕАЭО мүше басқа мемлекеттің аумағына Қазақстан Республикасының аумағынан әкеткен кезде электрондық шот-фактураны жазып беретіндігі туралы жеткізілді.

Яғни Тізбеге енгізілген тауарларды өткізген кезде әр-бір келесі контрагент өзінің сатып алушысына тауарларға декларациялар және тауар әкелу және жанама салықтарды төлеу туралы өтініш (328.00 нысан), сонымен қатар тауар Қазақстан Республикасында өндірілген жағдайда ТС-1 (тауардың шығарылған жері туралы сертификаты) мәліметтерін көрсете отырып, электрондық шот–фактура жазуға тиіс.

Осыған орай салық төлеушілер шот-фактурасын электронды түрде толтыруға дайын болуы қажет. Ол үшін бизнес өкілдері электронды сандық кілтке ие болуы керек.

Шот-фактураның электрондық нұсқасын даярлау 2014 жылғы 1 шілдеден басталды.  Электрондық шот-фактураны алу үшін ақпараттық жүйеге тегін  тіркеліп, электрондық сандық кілт алу керек,  тіркелу тегін. Электрондық сандық кілтті салық төлеушілер Халыққа қызмет көрсету орталығынан алады.

Сонымен қатар кездесу барысында электрондық шот-фактураларды рәсімдеу, оларды дұрыс толтыру және де міндетті толтыруға жататын жолдары слайд түрінде сыртқы экономикалық қызмет қатысушыларының назарына ұсынылып, түсіндірілді.

«Дөңгелек үстелде» соңында Департамент мамандары  қойылған сұрақтарға жауп берді.

Жанама салықтарды әкімшілендіру басқармасының

басшысы Ақбота Тойбазарова

Тел. 451788