Авиакомпанияда құқықбұзушылық анықталды

Атырау облысы бойынша Мемлекеттік кірістер департаментінің Экономикалық тергеу қызметімен жүргізілген жедел – іздестіру шаралары барысында Атырау қаласы халықаралық әуе жайы аймағында «Бейбарыс авиакомпаниясы» акционерлік қоғамының лауазымды тұлғалары тарапынан жасалған «экономикалық контрабанда» жайтының жолы кесілді.

2015 жылғы 19 сәуірде әуе жүк судносын тексеру кезінде декларацияда көрсетілмеген «Бейбарыс авиакомпаниясы» акционерлік қоғамына тиесілі әлемнің белгілі брендтерінің парфюмериялық тауарлары («LANKOME», «OPIUM»,«Armani» және т. б.) 8 537 дана, сонымен қатар бір рет пайдаланылатын қасық, шанышқылар (13 200 дана)және жастанғыштар (26 400 дана) салынған жәшіктер табылған.

Алдын ала тергеу барысында жоғарыда аталған тұлғалар кінәсінің бұлтартпас дәлелдері жинақталып, қылмыстық іс сотқа жіберілді.

Атырау қаласы №2 сотының үкімімен «Бейбарыс авиакомпаниясы» акционерлік қоғамының 2 лауазымды тұлғасыҚР ҚК 234 бабының 2 бөлігінің 4,5 тармақтары бойынша айыпты деп табылып, әрқайсысына 500 АЕК (991 000 теңге) көлеміндегі айыппұл салынды.

50 485 783 теңгеге бағаланған заттық айғақтар үкімет пайдасына тәркіленді. Қазіргі уақытта сот үкімі өз күшіне енді.

Атырау облысы бойынша мемлекеттік кірістер департаментінің Экономикалық тергеу қызметі

Тел.321943 Кахарман Жардемов