Жалған кәсіпкерлікпен, жалған ақша жасаушылармен,

 шет елдерден қаржыларды кері қайтармаушыларменен күрес туралы

Атырау облысы бойынша Мемлекеттік кірістер департаментінің баспасөз – релизі

Елбасымыз Н.А.Назарбаев 2015 жылы 30 қарашадағы  Қазақстан халқына Жолдауында дағдарысқа қарсы бес бағыттардың ішінде бірінші болып «Қаржы секторын  тұрақтандыруды» міндеттеді.

Осы Жолдаудан туындайтын мемлекеттік кірістер органдарының басты міндеттерінің бір болып «көлеңкелі» экономикамен және салық Заңнамаларын бұзушылармен күрес болып табылады. Осындай Заң бұзушылықтар елімізге миллиардтаған шығындар әкеліп отыр. Ең көп шығын әкелдіретіндер «жалған» мекемелер ашып, салық төлемдерін жасыратындар.

Осыған орай, 2016 жылдың 10 ақпанында Атырау облысы бойынша Мемлекеттік кірістер департаментінде «Жалған кәсіпкерлікпен, жалған ақша жасаушылармен, шет елдерден қаржыларды кері қайтармаушыларменен күрес туралы» атты «дөңгелек үстел» өткізілді. Оған, Департаменттің басқарма басшылары, 2–ші деңгейдегі банк ұйымдарының өкілдері және Департаментттің экономикалық қылмыстармен күрес  қызметінің мамандары қатынасты.

Департамент басшысының орынбасарының міндетін атқарушы Даулетова Г.Б аталған Заң бұзушылықтардың алдын алуға бағытталған шаралар туралы және «көлеңкелі» экономикамен күрес жайын айтты. Содан кейін, Басқармалар басшылары Анесов Б.Ш. және Тұргумбаев М.Д «жалған» кәсіпкерлікпен, «жалған» ақша жасаушылармен және шет елдерден қаржыларды кері қайтармаушыларменен күрес туралы мәліметтер берді.

Мемлекттік қызметтер көрсетулер басқармасы бөлімінің басшысы Г.Қ.Қабдрахманова Жалпыға бірдей декларациялауға көшу және мүлікті жариялау  туралы баяндады.

«Дөңгелек үстел» барысында, жиынға қатысушылар өзекті мәселелер бойынша пікір алмасты.

Алға қарай, осы бағыттағы Заң бұзушыларменен күресті бірлесіп, ұйымдастыру мақсатында, Ұлттық банкіне ірі сауда үйлерінде, дүкендерде, жанар май станциялар, т.с.с «жалған» ақшаларды анықтайтын детекторлар орналастыруға міндеттеу қажет деген ұсыныс енгізілді. Сонымен қатар, «жалған» ақшаларда анықтауға бағытталған үгіт–насихат плакаттарын шығарып, қауіпсіздік қызметкерлеріне арнайы техникалық оқулар өткізу қажеттілігі айтылды.

Атырау облысы бойынша Мемлекеттік кірістер департаментінің

баспасөз қызметі