Мемлекеттік кірістер органдары қызметіндегі

криминалистикалық және арнайы зерттеулер түрлерінің

 маңыздылығы

Құқық қорғау, оның ішінде тергеу органдарының қылмысқа қарсы жүргізілетін жұмыстарының пәрмендігі мен нәтижелілігі қылмысты ашуға, оны дәлелдеуге ғылыми-техникалық жетістіктерді, арнайы білімдерді кең түрде пайдаланумен  байланыстылығын өмірдің өзі дәлелдеп отыр.

Міне, осыған 2015 жылдың  мамырынан бастап  Қазақстан Республикасы Қаржы министрінің бұйрығымен Мемлекеттік кірістер комитетінің Экономикалық тергеулер қызметінде және оның  аймақтық органдары құрамында криминалистикалық бөлімдер құрылған болатын.

2015 жылдың 1-ші қаңтарынан бастап қолданысқан енген Қазақстан Республикасының жаңа Қылмыстық-процестік кодексі бойынша құқық қорғау және арнайы органдардың өкілетті бөлімшелері мамандарының қорытындысы дәлелдеме ретінде танылатыны айқындалған.

Мемлекеттік кірістер органдарында тергелетін қылмыстық iстер бойынша дәлелдемелер болып табылатын қорытындылар шығару өкілеттілігі криминалистикалық бөлімдерге берілген. Аталған бөлім қызметкерлері криминалистикалық және арнайы зерттеулер түрлерін жүргізу, қорытынды шығарумен қатар оқиға орнын тексеру, басқа да тергеу әрекеттеріне маман ретінде қатысу  құқығына  ие.

Сондықтан да, Атырау облысы бойынша Мемлекеттік кірістер департаментінің Экономикалық тергеу қызметінде құрылған криминалистикалық бөлім қызметкерлері оқиға орнын тексеруге, басқа да тергеу әрекеттеріне қатысумен қатар арнайы білімдерді қолданып қылмыстарды тергеу барысына дәлелдемелерге қол жеткізуге ықпал етуде. 

Мысалы, а.ж. Департаментте кедендік баждан үлкен көлемде жалтару дерегімен тіркелген қылмыстық іс бойынша дәлелдемелер криминалистикалық бөлімнің білікті түсіндірмелерінің нәтижесінде ғана анықталды.

Мемлекеттік кірістер органдарының Экономикалық тергеу қызметінде криминалистикалық бөлімдердің құрылуы қазіргі заман талабына сай алынған шара және қызметімізде ғылыми-техникалық жетістіктерді, арнайы білімдерді кеңінен қолдану қылмыстарды ашудың, оны дәлелдеудің нәтижелілігін арттырады деп есептейміз.

Атырау  облысы  бойынша Мемлекеттік кірістер департаменті

                            Профилактикалық жұмыс және бақылау басқармасының басшысы                        

Қаhарман Жардемов