Сыбайлас жемқорлықтың алдын алу

ойынша «Дөңгелек» үстел өткізілді

            2015 жылдың 6 қараша күні Атырау облысы бойынша Мемлекеттік кірістер департаментінде Атырау облысы бойынша «Нұр Отан» партиясының, МҚІжСЖҚҚА Атырау облысы бойынша Департаменті, кәсіпкерлердің ұлттық палатасы, кәсіпкерлер мен жұмыс берушілер одағының өкілдерінің, сонымен қатар, бұқаралық ақпарат құралдары өкілдерінің қатысуымен «Дөңгелек» үстел өткізілді

«Дөңгелек үстелдің» тақырыбы – мемлекеттік кірістер органы қызметкері арасында жемқорлықтың алдын алу бойынша профилактика, сонымен қатар, орта және кіші бизнес субъектілерінің құқықтарын қорғау.

Дөңгелек үстел Қазақстан Республикасы Қаржы министрлігінің 2015 жылғы 20 шілдедегі №417 бұйрығымен бекітілген Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру жөніндегі Қазақстан Республикасы Қаржы министрлігінің 2015-2017 жылдарға арналған іс-шаралар жоспарының талабын орындау мақсатында өткізілді.

Жемқорлықпен күрес бойынша көкейтесті мәселелерді талқылау барысында Атырау облысы бойынша Мемлекеттік кірістер департаменті басшысының орынбасары Мұрат Ахтанұлы Төлеубаевтың және Департаменттің Ішкі қауіпсіздік басқармасының басшысы Заңғар Кеңесханұлы Заңқановтың «Мемлекеттік кірістер органындағы жемқорлықпен күрес профилактикасы» тақырыбындағы баяндамасы тыңдалды.

Өз баяндамаларында Департамент басшысының орынбасары Төлеубаев М.А. және ІҚБ басшысы З.Заңқанов жемқорлық тәуекелдерінің минимизациясына және мемлекеттік кірістер органының заңды құқықтарын заңға қарсы әрекеттерден қорғауды қамтамасыз ету мақсатында қауіп-қатерден қорғау, қаржылық, материалды-техникалық құралдардың тоналуына, қызметтік ақпараттардың таратылмауына аса көңіл бөлді.

Сонымен қатар, дөңгелек үстелге қатысушылармен кәсіпкерлердің мүдделерін қорғау үшін бизнес-омудсмен институтын одан әрі нығайту мәселелері талқыланып,

дөңгелек үстелге қатысушылар арасында пікір алысып, туындаған сұрақтарға толық жауап алынды.

Атырау облысы бойынша Мемлекеттік кірістер департаменті Экономикалық тергеу қызметі

Профилактикалық жұмыс және бақылау  басқармасы