«Әуежай - Атырау» кеден бекетінде «Ашық есік» күні өткізілді

Отырыста кеден  шекарасы арқылы жеке тұлғалардың жеке пайдалануға арналған тауарларды өткізу ерекшеліктері, Кеден одағы көлемінде міндетті талаптар белгіленген тауарларды Кеден одағының  кедендік аумағына әкелу тәртібі туралы мәселелер қаралды. «Дөңгелек үстел» отырысына «Әуежай - Атырау» кеден бекетінің басшысы А. Абсиметов төрағалық етті. «Дөңгелек үстел» отырысына Атырау облысы бойынша Мемлекеттік кірістер департаменті Кедендік ресімдеу басқармасының басшысы  Ш. М. Жакупова қатынастып, сөйледі.

Ол департаменттің кеден саласы бойынша 2015 жылдың 9 айында атқарылған жұмыс туралы мәлімет берді. Сыртқы сауда айналымы 11 миллиард долларды құрады, бұл көрсеткіш 2014 жылдың осы мезгілінде 25 миллиард доллар боған еді. Экспортқа  шығарылатын тауарлардың 90 пайызы  шикі мұнай.

                Президент Нұрсұлтан Назарбаевтың  5 институционалды реформаны жүзеге асырудың 100 қадамын белгілегенін білесіздер. Оның 37, 38, 39, 40 қадамдары  салық және кеден саясатын оңтайландыруға арналған.

         37-қадамда  СЭҚ Тауарлар номенклатурасының  6 белгісіндегі біркелкі тауарлар тобы шеңберінде «0-5-12» моделі бойынша Бірыңғай кеден тарифі

кедендік мөшерлемесін қысқарту қаралған.

         38-қадамда Экспорттық және импорттық кеден рәсімдерінен өту кезінде «БІР ТЕРЕЗЕ» қағидатын енгізу, Электронды жария ету жүйесін дамыту, Экспорт және импорт үшін құжаттар санын және оларды өңдеу

уақытын қысқарту талабы қойылған.

         39-қадамда Тауарды салық салу мақсатында Қазақстан аумағына кірген кезеңнен бастап оны сатқанға дейін бақылауға алу белгіленген. 
         40-қадамда «ПОСТФАКТУМ» кедендік тазалау режимін енгізу, яғни сыртқы экономикалық қызметке қатысушы жекелеген санаттарға тауарларын жария еткенше тауарларын шығаруға мүмкіндік беру ойластырылған.

Қазіргі кезде департаментте осы қадамдарда нақтыланған шараларды іске асыру бағытында жұмыстар  жүргізілуде.

  Бұдан соң «Дөңгелек үстел» отырысына келген сыртқы экономикалық қызметке қатынасушылар мен Брокерлік компаниялар өкілдеріне жолаушылардың кедендік декларациясының бланкалары  таратылып, оны толтыру тәртібі туралы практикалық жұмыс жүргізілді. Тақырыптар бойынша сұрақтар қойылды, оларға жауап берілді.

Отырысты бекет басшысы А. Абсиметов қорытындылады.