Сауда үйлерінде салық заңнамасы түсіндірілді

2015 жылдың  тамыз айның бірінші онкүндігінде Атырау  облысы бойынша Мемлекеттік кірістер департаменті Түсіндіру жұмыс басқармасының басшысы Б.Д.Юсупов, Атырау қаласы бойынша Мемлекеттік кірістер басқармасы басшысының орынбасары А.С.Рзагулова, «Атамекен» ұлттық кәсіпкерлер палатасының бизнесті сервистік қолдау бөлімінің сарапшысы А.А.Есенғалиев «Атырау», «Мұрагер», «Бақдаулет» және «Шалқыма»  сауда кешендерінде болып, жеке кәсіпкерлер, сауда аландарын жалға алушылармен кездесті.

Түсіндіру жұмыс басқармасының басшысы Б.Д.Юсупов кездесуге қатысушыларды  5 институциональды реформаның «100 қадам» бағдарламасынан туындайтын  мемлекеттік кірістер органдарының  міндеттері, облыстағы  мүлікті  жария ету барысы, электрондық шот-фактураларға көшудің артықшылықтарымен таныстырды.

Атырау қаласы бойынша Мемлекеттік кірістер басқарсамын басшысының орынбасары А.С.Рзагулова 01.07.2015ж.  және 01.01.2016ж. бастап қолданылатын «онлайн режимінде» мәліметтерде беретін кассалық-бақылау машиналарды қолдану тәртібімен, 01.01.2016ж.қосылуға қажет POS-терминалдар туралы таныстырды.

Сонымен қатар, ол өткізіліп жатқан  «Тұбіртекті талап ет- жүлдені ұтып  ал!» акциясы туралы ақпарат берді.

Кездесу соңында Юсупов Б.Д.  және  Рзагулова А.С. кәсіпкерлердің көптеген сұрақтарына жауап берді.

Түсіндіру жұмыс басқармасы дайындаған