Семинар өтті

Үстіміздегі жылдың 22-шілдесінде Атырау облысы бойынша Мемлекеттік кірістер департаментінің мамандары Атырау облысы бойынша Кәсіпкерлер мен жұмыс берушілер одағымен бірлесіп, 2015 жылдың  1 шілдесінен бастап салық және кеден заңнамаларына енгізілген өзгерістер туралы семинар өткізді.

 Семинарды  Департаменттің Түсіндіру жұмыс басқармасының басшысы Б.Юсупов ашып, МКД-ң жауапты қызметкерлерімен таныстырды және семинардың мақсатын атап өтті.

Мемлекеттік қызмет басқармасының бөлім басшысының міндетін атқарушы Г.Мусрепова бюджеттік кодтар квалификациясына енгізілген өзгерістермен таныстырды. Осы басқарманың басшысы Э.Искалиева бақылау-кассалық машиналардың  1 шілдеден бастап қолдануы туралы айтты.

Түсіндіру жұмыс басқармасының басшысы Б.Юсупов Қазақстан Республикасынан шет  жердегі мүліктерді жариялау тәртібімен таныстырды.

Жанама салықтар басқармасының бас маманы И.Қадыров электронды-шот фактураларының тиімді екенін түсіндірді.

«Әуежай-Атырау» кеден бекеті басшысының орынбасары Ә.Өтегенов жеке тұлғалардың Кеден одағынан әкелген тауарларды өткізу ережесін баяндады.

         Семинар соңында Департамент  мамандары салық төлеушілердің көптеген сұрақтарныа жауап берді.

Атырау облысы бойынша Кәсіпкерлер мен жұмыс берушілер одағының директоры Н.Темирбаева семинарға қатысушыларға ризашылығын айтып, алға қарай  баршасына табысты болуларына тілек білдірді.

                                                                                                          Түсіндіру жұмыс басқармасы