Облыс тұрғындарының назарына!

        Атырау облысы бойынша мемлекеттік кірістер департаментінде Мемлекеттік Кірістер Комитетінің бастауыменен «Түбіртекті талап ет – жүлдені ұтып ал» акциясы 1 сәуірден басталып, жалғасуда. Акция талаптары қарапайым. Өзіңіз, дүкендерде, шаштаразда, немесе басқа да қызмет көрсету орындарында болғанда – түбіртекті талап етуіңіз қажет. Түбіртектің сомасының мөлшері қандай болса да бәрібір, ең бастысы 10 түбіртектен жинау керек.

Облыстың әр тұрғыны жинаған түбіртектерін Атырау қаласында «Көктем», «Мұрагер», «Дина», «Насиха», «Тамаша» және «Атырау» сауда үйлерінде, ал аудандарында аймақтық мемлекеттік кірістер басқармаларының ғимаратында купондарға айырбастай алады.

Түбіртектің 10 данасын әкеліп, купон толтыру қажет. Оған өз мәліметтерін көрсетіп, екінші бөлігі сізде қалады, ал бірінші бөлігі ұтысқа қатысады. Ұтыс ай сайын, келесі айдың басында өтеді. Акция 30 қарашаға дейін жалғасады, демек 7 ұтыс ойналады.

Жеңімпаз жариялы түрде, кездейсоқ мүмкіндіктер арқылы айқындалады. Түбіртектер тек бір рет ұтысқа қатыса алады.

Әр айда 10 түбіртек жинаған адам, ұтыстарға қатысуға мүмкіндіктері бар. Күні бүгін облыс бойынша 422 купон, 4220 түбіртекке айырбасталып алынды.

Облыс тұрғындарын ұтысқа белсенділікпен қатысуға шақырамыз.

    Облыстық МКД.