«ҰОС жеңіс күнін мерекелеуге арналған қамқорлық  акциясы»

Барлық соғыс ардагерлері мен соғыс майданынан тыс жерде еңбек еткен еңбеккерлерге шексіз құрмет және шын жүректен ризашылығымыздың белгісі ретінде Жаров Владимир Константиновичке, Атырау облысы бойынша Мемлекеттік кірістер департаменті Экономикалық тергеу қызметінің қызметкерлерімен оның үйінің ауласында жөндеу жұмыстары жүргізілді,аула ішіне және ауладағы аяқ жолына цемент құйылып, үй шатыры мен газ құбыры сырланды.

Соғыс ардагерлері мен соғыс майданынан тыс жерде аянбай еңбек еткен еңбеккерлерге қамқорлық жасап, құрмет көрсету біз үшін абырой!                    

Владимир Константинович Жаров 1925 жылы 1 желтоқсанда Сталинград облысында дүниеге келді. 1943 жылы ақпан айында Совет Армиясы қатарына шақырылған.

Владимир Константинович Венгрияны, Австрияны, Румынияны азат етуге қатысқан. 1949 жылы әскерден елге оралған.

Содан соң, өзінің еңбек жолын облыстық Тұтынушылар одағы Балық заводының шеберінен бастап, директорына дейін өткерген. Соңғы уақытта Қалалық жол-құрылыс мекемесінде жұмыс жасап, зейнеткерлік  демалысына  шыққан.

Осы жасаған қамқорлығымыз, біздің Отанымыздың бейбітшілік аспаны мен ерліктерінің, ер жүрек ұлтжандылығының құрметіне барлық күш-жігерімізбен білдіретін кішкене ғанаалғысымыз екендігін сезінеміз.

    Атырау облысы бойынша МКД ЭТҚ