Мемлекеттік кірістер комитеті тағы да автомобиль ұтысын өткізеді!

 Ағымдағы жылғы 1 қазанда «Атамекен» Ұлттық кәсіпкерлер палатасының  ( бұдан әрі – ҰКП) қолдауымен ҚР ҚМ Мемлекеттік кірістер комитеті «Чекті талап етіп жүлде ұтып ал» акциясы басталды. Осы акцияның мақсаты азаматтардың товар, жұмыс және қызмет тұтынушысы ретіндегі өз мүдделерін қорғау бойынша құқықтық мәдениетін қалыптастыру.

Осы жылғы акция «Атамекен» ҰКП-ның қаржылық қолдауымен электрондық форматта көлеңкелі экономикаға қарсы «Wipon» мобилді қосымшасы арқылы өткізіледі.

Акцияға өздері тұтынған тауар, жұмыс немесе қызмет үшін берілген фискалды чектің фотосын жіберген Қазақстан Республикасының азаматтары қатыса алады. Егер фискалды чек берілмеген жағдайда, азаматтар бұл бұзушылықтарды көрсетіп шағым жібере алады.

Іс-шара ағымдағы жылғы 1 қазан мен 15 желтоқсан аралығында өткізіледі. Осы кезеңде барлық облыстар мен Астана және Алматы қалаларында ай сайын жүлделердің ұтысы мен оларды табыстау өтеді. 

Бас финал жылдың аяғында Мемлекеттік кірістер комитетінде болады. Онда бағалы жүлделер, оның ішінде бас жүлде – автокөлік ұтысқа салынады.

Атырау  қаласы бойынша Мемлекеттік кірістер басқармасы