Мүлікті жария ету

Қазақстан Республикасы Қаржы министрлігі капиталға рақымшылық жасау рәсімін бұдан әрі оңайлату мақсатында, мүлікті жария етуге құжаттарды қабылдаған кезде «бір терезе» қағидатын қолдану мүмкіндігін қарастырды.

Яғни, жария ету субъектілеріне ыңғайлы болу үшін «бір терезе» қағидаты іске асырылды. Осыған сәйкес, жария ету субъектісінің қалауы бойынша екінші деңгейдегі банк арқылы банк белгілеген шартпен мүлікті жария ету бойынша декларацияны мемлекеттік кірістер органдарына бармай, мүлікті жария ету алымының төлеуге тиесілі сомасын банк арқылы төлеген кезде, азаматтарда тиісті декларацияны және оған ілеспе құжаттардың жөнелтуін  хабарламасы бар тапсырыс хатпен пошта бойынша мемлекеттік кірістер органына тапсыру мүмкіндігі бар.

Бұл ретте, почта жөнелтілімдерін алғаны туралы хабарламадағы «хабарлама алушының мекенжайы» деген бағанда жария ету субъектісінің нақты мекенжайын көрсету қажет. Ол почта байланысындағы ұйымның декларацияны алғаны туралы хабарламаны жөнелтуші-банкке емес, жария ету субъектісіне жолдау үшін керек.

Осындай, мүлікті жария ету бойынша мемлекет тарпынан беріліп отырған жеңілдіктермен мен кепілдіктерді жіберіп алмай, мүлікті жария етуге ынта білдіріп отырған тұлғалар саны көбеюде.

Мысалы, Атырау облысы бойынша Мемлекеттік кірістер департаментімен,  жария ету науқаны басталғалы 01.09.2014ж - 31.12.2015г. аралығында 3 арыз қаралып 73,9 млн. тенге құнына мүлік жария етілген болса,  2016 жылдың тек 9 айына 49 декларация қабылданып 21 902,4 млн. тенгенің мүлігі (оның ішінде, құны 21 084,1 млн. тенге құрайтын ақша) жария етілді.

Бүгінгі күнге Атырау облысы бойынша Мемлекеттік кірістер департаменті ақшаны жария етуден республика бойынша  6 орында.

Қазақстан Республикасында 2017 жылдан бастап енгізілетін жалпыға бірдей декларациялау қарсаңында көлеңкелі капиталды заңдастыруға, ақша мен мүліктерді заңдастыруға мемлекет тарапынан беріліп отырған соңғы мүмкіндікті жіберіп алмаңыздар!

Г.Кабдрахманова, Атырау облысы бойынша Мемлекеттік кірістер департаментінің бөлім басшысы